ಪ್ರೇಮ ಮ್ರದಂಗ

ಹಸಿ ಹಸಿಯಾಗಿದೆ ಅವಳ ನೆನಪು
ಮಾಸದ ಅವಳ ಕೆಂದುಟಿಯ ನಗು
ಆಗಾಗ ಬಂದು ಕಣ್ಣಿಗೆ ಕಟ್ಟುತಿದೆ,
ಅವಳ ಕಿಲಕಿಲನಗು ಕಿವಿಗೆ ಇಂಪಾಗಿ ಕೇಳುತಿದೆ.



ನಡುಗುವ ಚಳಿಯಲ್ಲೂ ಬೆಚ್ಚನೆಯ ಅನುಭವ,
ಅವಳ ಇರುವಿಕೆ ದೂರವಿದ್ದರೂ ಸನಿಹಕೆ,
ನನಗಾಗಿ ಕಾಯುವ ಅವಳ ತುಡಿತ,
ನನ್ನ ಮನವ ದೋಚುವ ಇಂಗಿತ.



ನನ್ನರಿಯುವ ತವಕ,ನನಗಾಗಿ ತಪಸ್ಸು,
ಅವಳ ಮುಗ್ದ ಮಾತು ನನ್ನ ಪರವಶವಾಯಿಸಿತೇ?
ಅವಳ ತಾಳತಪ್ಪದ ಕಾಲ್ಗೆಜ್ಜೆಯ ಸದ್ದು
ನನ್ನೆದೆಯ ಪ್ರೇಮಮ್ರದಂಗವ ಬಾರಿಸಿತೇ?


ಮನಸಿನ ತುಂಬಾ ಪ್ರೇಮದ ಅರಮನೆಯ ಚಿತ್ತಾರ,
ಅದರೊಳಗವಳು ರಾಣಿಯಾಗಿ ಆಳುವಾಸೆ,
ಅವಳ ಹಂಬಲ ನನ್ನ ದಾಸನಾಗಿಸಿತೇ?
ಇವಳು  ಆ ನಿಶ್ಕಲ್ಮಶ ಪ್ರೀತಿಯ ಒಡತಿಯೇ?


ನೂರಾರು ಅಕ್ಷರಗಳ ಪ್ರಶ್ನೆಗೆ ಅವಳೇನಾ ಉತ್ತರ?
ಅವಳ ಪ್ರೀತಿಯ ಚಿಲುಮೆ ನನ್ನೆದೆಯ ಕಾರಂಜಿಯೇ?
ಅವಳ ಒಂದು ಹನಿ ಕಣ್ಣೀರಲಿ ನಾ ಕೊಚ್ಚಿಹೋಗುವೆನೇ?
ನನ್ನ ಈ ಸೋಲು ಅವಳ ಗೆಲುವು ಪ್ರೀತಿಗೆ ಸಂದ ಜಯವೇ?

- ನಾಗಭೂಷಣ ಗುಮಗೋಡು.