ಗುರುವಾರ, ಮೇ 7, 2015

ಮರೆ

ಹೃದಯದಿಂದ ಹಾರಿದ ಚಿಟ್ಟೆಯೊಂದು
ಮಾಮರದ ಮೇಲೆ ಕುಳಿತು..
ಗೇಲಿ ಮಾಡಿ ನಗುತಿದೆ
ಬಾ ಎಂದು ಕೈಬೀಸಿ ಕರೆಯುತಿದೆ..
ಮುತ್ತಂತೆ ಸಾಕಿದ್ದೆ ನಾನಿನ್ನ...
ನೀ ಹಾರಿದೆ ಮುಳ್ಳಂತೆ ಚುಚ್ಚಿ ನನ್ನ..
ಸಿಹಿ ಅಲ್ಲವಿದು ಕಹಿಯಾದ ನೋವು..
ಕೇಳಿದೆಲ್ಲಾ ಕೊಟ್ಟೆ ನೀ ಬಯಸದಿರೆ...
ಹೋದೆ ನೀ ಹೇಳದೆ ಕಾರಣ.
ನಿನ್ನ ಮಾತು ನನಗೆ ಸಾವಿರ ಮುತ್ತು..
ಕೊಟ್ಟೆ ನಿನಗೆ ಎರಡು ರೆಕ್ಕೆ ಹೆಚ್ಚು..
ಹಾರಿ ಹೋಗೋ ಮುನ್ನ ನೆನೆಸಿಕೊಂಡೆಯಾ ಒಮ್ಮೆ!??
ಕಿಂಚಿತ್ತು ಬಾರದೆ ನನ್ನಿರವು..!
ಬಣ್ಣ ಬಣ್ಣದ ಲೋಕದ ಬುದ್ದಿ ನಿನಗೇಕೆ ಬಂತು?
ಅರ್ಥವಿಲ್ಲದ ಕಾರಣಕ್ಕೆ ತಾತ್ಪರ್ಯವಿದೆಯೇ?
ಹೇಳದಿದ್ದರೇನು ನಿನ್ನತನವ ನೀ ತೋರಿದೆ..
ನಾ ಮೆಚ್ಚಿದೆ ಲೋಕದಂತರಂಗದ ಅಂಕುಡೊಂಕಾ...!
ನಾ ಸಾಗುವೆ ಮರೆತು ನಿನ್ನ ನನ್ನೆದುರ ಹಾದಿಯಲಿ,
ಇನ್ನೆಂದು ಕಾಣಿಸದಿರು ಮತ್ತೆ ಚುಚ್ಚಲು.!!!

- ನಾಗಭೂಷಣ ಗುಮಗೋಡು.

ಸೋಮವಾರ, ಜನವರಿ 5, 2015

ಸ್ವಾಭಿಮಾನಿ

ಕಂಡಿತೊಂದು ಕನಸು
ಹಿಂದಿಲ್ಲದ ಮುಂದಿಲ್ಲದ
ಗೊತ್ತು ಗುರಿಯಿಲ್ಲದ 
ಕೆಲಸಕ್ಕೆ ಬಾರದ್ದು

ಅಲ್ಲೊಬ್ಬ ಹುಡುಗ 
ಕುಣಿಯುವಷ್ಟು ಕುಣಿದ 
ಕಲ್ಲುಮಣ್ಣು ಕೂಡಿದ ನೆಲದಲ್ಲಿ
ರಕ್ತ ಸುರಿಸಿದ

ಹೇಳಿ ಕೇಳಿ ನೆರೆಮನೆಯವ
ಸುಮ್ಮನೆ ರೇಗುವುದೆ?
ಕಿತ್ತ ಬೇಲಿಗೂಟ ನೆಟ್ಟ
ನಮ್ಮ ಮನೆಯ ಅಂಗಳದೊಳಗೆ

ಇತ್ತ ಇದ್ದನೊಬ್ಬ ಸ್ವಾಭಿಮಾನಿ
ಕೇಳಲೋದ ಅವನ ಮನೆಗೆ
ಅಂದನವ ಅದೆನ್ನ ಮನೆ
ಹೋಗು ನೀ ಆಚೆಗೆ

ಕೊಟ್ಟೆ ಕೊಟ್ಟೆ ಎಲ್ಲಾ ಕೊಟ್ಟೆ
ಅಂದೆ ನಿನಗೆ ಎಲ್ಲವ
ಅಂದನಿವ ಮೆಲ್ಲಗೆ
ಕತ್ತಿ ಹಿಡಿದು ನಿಂತನವ ಬೆನ್ನ ಹಿಂದಕೆ

ಕೊನೆಯಾಯಿತಲ್ಲಿಗೆ ಕನಸೊಂದು
ಶುರುವಾಯಿತು ಸಂಕ್ರಮಣದ ಸಮರ
ನ್ಯಾಯ ನಮ್ಮದಲ್ಲವೇನು
ಮುನ್ನಡೆಯಲೇಕೆ ಅಂಜಿಕೆ??

ಪಾಪಿಲೋಕ ಅಲ್ಲಿಹುದು
ಉಗ್ರರೂಪ ತಾಳುತಿಹುದು
ಕಂತ್ರಿ ಕೆಲಸ ಮಾಡುತಿಹುದು
ನಾವು ನರಸಿಂಹರು ಎಚ್ಚರ

ನ್ಯಾಯ ನೀತಿ ಮೆರೆದ ನಾಡಿದು
ಕೈ ಮುಗಿದು ಮೆಟ್ಟು ಈ ಭವ್ಯ ಭೂಮಿಯ
ಕೆಣಕಿದರೆ ಬಿಡೆವು ತಕ್ಕಶಾಸ್ತಿಯ ಮಾಡುವೆವು
ನೆನಪಿರಲಿ ಇದು ನಿಮ್ಮ ಮನದೊಳಗೆ...



--- ನಾಗಭೂಷಣ ಗುಮಗೋಡು.

http://www.facebook.com/kadalatheera